قصة خيالية بالدارجة : آلاء و لعنة تالا(الفصل الخامس وعشرون)
الفصل الخامس وعشرون :
ضحك تغريد عالي و هي في الارض على الرمال .. سخفانة و جسدها مسترخي بعد داك الجهد اللي بدلاتو في العومان ..
لحقو عليها الدراري كايضحكو حتى هما و عاد التحق اخر واحد .. صاحب الشعر القصير و تلاح منبسط على الارض و صاح "" ماشي عدل ، شدني الكلاكاج اولاد الكلاب خليتوني وراكم على بانيني ""
رجعو ضحكو عليه من تاني و جديد ..
قال واحد اخر "" وا غير حك على جيبك و وجد دريهماتك و باراكة من النكير , راه شفناك جبدتي الstraw و جلستي تشرب ""
موجة ديال الضحك مرت بيهم و قال واحد "" و لكن و الله حتى انت عوامة ، بداك الشكل اللي عمتي بيه انا قلت السيدة غاتسخف تما و البحر هايج ماغايعطيكش حتى فرصة ""
ضحكات تغريد بلا ماتجاوب في الوقت اللي تالا في وذنيها كاتقول "" كون عرفو شكون كان كايعوم كون مابقى وراهم غير الريح ""
تجاهلتها ومررات تغريد عينيها بينهم عاد عطات لنفسها تلاحظ اشكالهم "" كيف درتو حتى نقزتو من تما حتى نتوما ؟ و كون كنت وحدة غاتنتاحر ؟ ""
ضحكو ب3 و جاوب واحد "" كان غايكون ماشي يوم موتك ""
ضحكات معاهم ورى ماقالو و هي تجاوب "" او كنا غانقطعو للضفة التانية ب4 بينا في خطرة وحدة ""
"" انا عرفتك غير من هاد الفيديو حيت طلع في الطوندونس و عجبني مصروووع خليت ليك تعليق ، و لكن منين دخلت للقناة و شفت باقي الفيديوات ماعجبوتيش الصراحة ""
ضحكات تغريد و قالت معترفة "" عندك الحق ، هادوك كانو عشوائيين و صافي الصراحة ماكنتش خدامة فيهم من نيتي ، دابا عندي اتجاه واحد و عارفة اشنو بغيت ""
"" و اللهتا كانشجعك تبعي نفس الطريق ديال هاد الفلوغ ،وااعر مصروووع ، حتى البنات اللي معاك قتلوني غير بالضحك .. كانو غايسمحو فيك وسط الماء "" و كملها بالضحك..
"" و حنا ماتسالينا غير vlog اخر يطلع ليك احسن من الاخر و يطلع في الطوندونس ديالنا و ديال بلاد اخرى ""و ضحك ..
ضحكات تغريد و هي تبلع شهقة و ناضت استاقمت في جلستها "" قلتي الطوندونس ؟ طلع في الطونودنس ؟ ""
ضحكو الدراري و جاوبها ريان "" وا اشنو كانعاود ليك من الصباح ، واش انت مافخباركش ؟ مايمكنش ؟ ""
"" و الله ، مادخلتش طليت بالزاف الصراحة وقعو شي حوايج مهمة و شتتات تفكيري و تركيزي على الفيديو ، غانرجع للدار و نشوف اشنو التطورات ""
ضحك سعد "" انا في بلاصتك ماكاينة حتى حاجة تشتت تركيزي على شي حاجة بحال هاذي ، اولا الفلوس داخلين ، تانيا هذا راه نوعا ما نجاح ، درتي شي حاجة مبدلة عجبات الناس ""
"" ااه ، عندك الحق "" قالتها معترفة ، و لكن ارتباطها باسلام كان شوية اهم بالنسبة ليها من الvlog و فلوسو .. يعني ، ماشي كل نهار كايعتارف لك صديق طفولتك و حياتك باللي كايبغيك و باغي يكمل حياتو معاك ..
ناضت وقفات و ساست يديها من الرمال "" يالله تكعدو فيا الجوع و مانسيتش البانيني ""
ضحكو و وقفو تابعينها ، مازال كايتكلمو بحال اذا كانو صحاب من شحال هاذي ..
كانت الاء في السيارة اللور و شادة ولدها اللي كايبكي بالجوع ..
"" صافي ابابا احنا راجعين للدار ""
هزات عينيها في الرجل اللي كايسوق و قالت "" اشنو سميتك اسيدي ؟ ""
جاوبها "" حسن الالة ، و عيطي ليا غير بحسن بلاش سيدي ..""
"" انت ماكاتعرفيهش الالة ، هو راه فقد اخر حبل ديال الامل كان شادو في هاد الدنيا ، صعيب تجي غير تقولي ليه زوج كلمات و يقتانع ""
"" بغيت نفهم اشنو عندو ، اشنو هاد الهم اللي غايخليه هكاك بحال شي جسم بلا روح ، انا راه و اللهتا قطع ليا قلبي ""
خدا الرجل نفس طويل ، غايقول ليها الحقيقة ، هددو السيد ايفارديت باللي غايطردو و يقعدو اذا خالف امرو ، ماكايهمش ، المهم مايضيعش الحياة و داك الصبر كلو اللي دوزو و عاشو ..
و غير فتح فمو يقول "" انت ""
قاطعاتو بشهقة قوية ..
قفزاتو دار عندها و هي تخبط كتفو كاتغوت "" وقف وقف وقف وقف ""
وقف عينيه خارجين و متنبه كليا للخطر و متأهب للحماية ..
دار شاف في الممان فين خارجين عينيها .. و عرف اشنو ..
من البعيييد .. كان واقف زوجها ، عقل عليه .. قدام سيارتو غادي جاي شاد راسو و في جنبو زوج رجال شهبين و كايتشابهو ..
رجع دار عندها لقاها كاتعض في ظفارها و عينيها خارجين فيهم .. سولها "" واش انت بيخير ""
خرجات عينيها فيه و صاحت حتى قفز هو و ولدها اللي في حضنها "" بيخييير ؟ واش امرأة راجلها كايتسناها بداك الوجه هكاك غاتكون بيخييير ؟ ""
رجع شاف فيه و قال "" نعفط ؟ ماغاديش يشوفوك ""
ضحكات بسخرية و قالت "" ب3 ، بتلاتة تما واقفين ماعنديش حتى نصف فرصة ""
"" مالهم كاع اش غايديرو ليك ؟ انت راك حاملة و فوق هادشي و الاهم انت مادرتي حتى حاجة عيب ""
"" بطبيعة الحال ، انا مشيت عند خويا الفضائي الافتراضي ، واخا هما مازال ممقتانعين ، و لكن منين نتبتو هادشي غانتفاهم معاهم ""
هز سبابتو بغى يتدخل و رجع سكت ، مافيها فايدة ..
شافت فيه و قالت "" انا قادة بشغالي ، انا غانخرج و انت عفط رجع ""
"" لا غانمشي معاك ""
رجعت صاحت حتى قفزو تاني "" تا اشمن تمشي معايا ، تفرجتي في فيلم الزبالة the midnight meat train ؟ في بلاصة مطرقة ، غايضغط ليك وجهك غير بيدو و بعدها غايحيد ليك زغبك و شعرك و ظفارك و عينيك بيديو العريانة .. و بعدها غايسيفط السكيطة ديالك للصحاب الشوارمة ديال الحمير .. "" ووقفات خصرات وجهها باشمئزاز و قرف ..
شافت السيد وجهو صفار ، تنهدت و هي كاتستعد للخروج من السيارة "" رجع منين جيتي .. الله يعاون "" و بوجهها صفر حتى هي ، خرجات من السيارة ..
تم تم كلهم الرجال ب3 شافو فيها ..
ماقدراتش تزيد خطوة ، كانو بعاد و لكن من تما قادرة تشوف باللي حتى هما مامتيقينش باللي كايشوفوها قدامهم دابا ..
الرجل دار مع دورة و رجع من الطريق الاخرى ..
و تما وساعو عينيها منين شافت راجلها ركب سيارتو كايجري و عفط باتجاههم ..
شادة ولدها في يدها كاتشوفيه عافط و ماكايشوف غير في سيارة الرجل اللي سبقو .. وحتى وصل ليها و هو يخرج بجسدو العلوي كامل ماد يدو باتجاهها و ملامحو مغزفة "" بقاي تم انا راجع لمك "" و بملامحها الصفرة رجعت بخطوة اللور و ماقاسهاش ، ماكانش في نيتو يدير حتى حاجة اصلا ..
غير فاتها شدات كرشها و طاحت للارض كاتغوت ..
كانو خوتها ديجا كايجريو باتجاهها ..
غير طاحت شدوها ..
زين العابدين من المرآة القدامية شافها ..
لعن و خبط بيديه بعصبية و هو يفراني و رجع ..
وقف في الجهة المقابلة للطريق الرجوع و خرج من السيارة كايقطع الشانطي تجاههم ..
كانت الاء كاتوجع و كاطل بنصف عينيها .. كانو زيد و زياد متيقين التمتيلية و كايحاولو يفهمو اشنو بيها قبل مايطيرو بيها للسبيطار ..
و منين شافت راجلها جاي ، جرات زياد من حوايجو لعندها غير بالريط و هدداتو "" اقسم بالله و نكون بنت عائلة فضائية ديال بالصح يا حتى تقضيو الباقي من حياتكم معايا في الجحيم .. ""
و قبل ما يجاوبها ، كان زين العابدين على ركابيه قدامها مخلوع من نيتو عليها ..
هز عينيه بزياد و صاح "" جيب جيب الماء راه في الطوموبيل ""
تنهد و مشى .. اما زيد ، هز طه و داه معاه لسيارتو
خدى الماء من عند زياد و شربو ليها .. و بعدها شوية بشوية بدات كاتمتل استرجاع عافيتها ..
قبل رأسها و حطها على صدرو و هي تهز عينيها طلات على خوها ..
كان خوها معصب منها ، و في نفس الوقت ماقادر يقول حتى كلمة ..
اكتر واحد عارف مكرها فاش كاتحصل ..
بقى تما واقف مربع يديه و كايدور في رأسو و كايشوف في زين بشفقة .. و هي تخرج عينيها فيه و اشارت براسها باش يمشي يلحق بخوه ..
عاود زين طل عليها و سولها ""cv دابا ؟ ""
هززات رأسها كاتبوحط و هو يوقف و وقفها معاه مسندها على صدرو ..
شاف في زياد و هو جد منهك قال ليه "" صافي لحق علينا للدار ""
و تم غادي شاد فيها ..
قال مضيق عينيه كايشوف في اختو من اللور "" احياااني عليكم العيالات "" و هز راسو بعيون واسعة "" زعما تكون شيماء حتى هي كاتدير ليا موتة حمار بحال هاد النمروضة ؟ ""
سد زين باب السيارة من جيهتها و دار لجهتو ركب .. دار شاف فيها .. و هي تغرق في كرسيها بحال الى خايفاه يكشفها تحت تفحص عينيه الصارم ..
"" كاتحسي براسك مزياان دابا ""
هززات راسها بسرعة و ابتسمت ليه "" بيخير ، ماتخافش .. عليا "" قالت اخر زوج كلمات باحساس بالذنب ..
و فجأة ، صاح في وجهها بعصبية "" الله يلعن حسك و حسي انا اللي درت عقلي في حمقة من الاول و خليتها تضحك عليا بزوج كلمات حتى تزوجتها ، الله يلعني انا اللي تيقت جدك الصباح ، كان عليا نعرف ، انا راه مزوج بالمفتش كورمبو .. مستحييل تكون شي كاريتة كاتاكلك في مخك و تشدي الارض كيف النااس مستحييل ، خاصك ضروري ديريها ، فين تغبري لوالديك الشقف و نبقى انا هايم في الدنيا على وجهي كيف الحمق ، واش بغيتينا نرجعو ب500 عام للور و نسد على والديك في الدار ؟ واش بغيتي تحمقيني ، بغيتي تجهلييني "" قفزها .. و كانه ماشي هو اللي كان كايدوي بلطف و يعنقها بحنان الدنيا .. ماعندوش النصف ، يا اما احنن راجل في الكون ، او أحمى و اكترهم جنون و تعصيب .. بهاد الغوات نسات كاع واش حسات بالذنب تجاهو ..
و هو يشد قلبو .. و لاح رأسو على مسند المقعد .. "" ااه ، غاتقتلني "" ناضت من مقعدها لعندو كاتنش عليه بيديها و كاتغبن معاه "" غاتسيفطني صغير ، باقي ماكبرت ولادي و باقي حتى ماشفت لاخر ، باقي اعباد الله ماعرف حتى واش عندي ذكر اخر و لا بنت ... اااه ، باغية تسيفطني صغير ""
"" واصافي راه غانبكي ليك هنا ، واش انا لخاطري ؟ ماتقولش هكاك ، نمشي انا وا لا انت احبيبة ، هانت هاك الماء باش تهدن""
دفعو من يديها و دور وجهو للجهة الاخرى مغمض عينيه و كايقول بشكل درامي "" لا ، انت باغية ليا شي ازمة تديني في خطرة ، انت كاتصعبي عليا حياتي ، بعدي عليا لهيه ماقادرش حتى نشوف وجهك ""
بظات حتى هي كاتغبن حداه و تبكي "" وا صافي راك قطعتي ليا قلبي ، صافي تهدن ، هانتا خود نفس و خرجو ، و لا عرفتي اجي انت ارتاح انا غادية نسوق .. ""
خرجات من الباب ديالها و دارت لعندو ..
خرجاتو كايتماوت من مقعدو و سنداتو عليها رغم انه اتقل و اطول منها .. و دارت بيه لجهتها ..
زياد في سيارتو كان كايطمن شيماء عبر الهاتف .. كان كايقطع معاها منين شاف الاء مسندة راجلها و غادية بيه للمقعد الجانبي و هو يغوبش باستغراب ، و لكن دغيا تلاشى منين شاف زاين العابدين كايطل عليها من الفوق بطرف عينو و الاء كيف الحمقة متيقاه و كاتغبن معاه ..
"" واااو ، زعما ربي ماطلاكمش ببعضياتكم غير هكاك ،و اللهتا كاتستاهلو بعضياتكم ، زوج ديال الحماق . في الحقيقة حنا اللي حماق دايرين فيكم عقلنا ، المغرب قرب يأذن و انا باقي بلا غذاء ، الى باقي شفتو وجهي دفلو عليه ""
و زاد مع طريق تبع خوه ..
ركبات الاء و شافت في راجلها اللي دغيا دور وجهو كايكمل تمتيليتو ..
"" واااصافي غانبدا نبكي "" و زادت بالسيارة ..
جايا تغريد في الدرب ملوية وسط جاكيطها الدجين .. معنقة راسها وهي كاترعد بالبرد ، شعرها باين عليه كان سارد و نشف هكاك بملحتو ، و حوايجها من الداخل مازال ساردين ..
ماجات غير في ياسمين و هناء راجعين من الجهة الاخرى ..
تبسمت ملء وجهها و جرات لعندهم عنقاتهم بزوجات .. صاحت هناء مخسرة وجهها "" اش هاد الحالة ؟! سردتيني ""
قلبات تغريد عينيها و بعدات شعرها من وجهها "" تهدني راه غير ماء البحر "" و تبسمت لياسمين ""وافين ؟""
هزات تغريد عينيها كاتفكر في كل مادازت منو من وراء ما رجعو ، سكون تالا ذاتها ، تسممها ، صداعها مع الدار ، خصامها مع اسلام ، تم الاعتراف المفاجئ ديالو ..
تبسمت ليهم و قالت بكل بساطة "" والو غير هنا و هنا ، انتوما اشنو خباركم ، درتو قنواتكم ؟ ""
جاوبو بزوجات "" لا ""
استغربت تغريد "" علاش ؟ ""
دورات هناء وجهها كاتسوط و قالت ياسمين "" هكاك ، داكشي ماشي ديالنا و صافي ""
زادت تغريد من استغرابها "" اشنو ؟ شوفو انا نمشي ندوش و نرجع عندكم ندردشو شوية ""
جاوبت هناء "" اختي حنا ماشي بحالك ماعندناش النهار كلو نلعبو و نديعو في الزناقي و نتبحرو في البحر بحوايجنا، حنا اختي يالله راجعين عيانيين من خدمة كانظلو النهار كلو واقفين على رجلينا كانضربو تمارة فيها ، غانمشيو ناكلو و نرتاحو شوية ""
وساعو عينين تغريد بدهشة و قالت "" رجعتو تخدمو ؟ ياك تافقنا على .. ""
رجعت صاحت هناء "" ماعندكش علاش تحشمي ، باقية كاتقول تافقنا ماتافقنا ، انت ماسولتيش حتى اشنو وقع بعد داك النهار .. قضيتي غرضك و فريتي""
مافهمت تغريد والو "" اشنو ؟ اشنو كاتقصدي ؟ ""
تدخلت ياسمين "" والو ، والو حنا غي.. ""
قاطعتها هناء "" اشمن والو انت .. ""
بان اسلام من راس الدرب لتغريد و ديك الساعة تشتت تركيزها ، و قالت ليهم "" نهضرو من بعد البنات واخا ؟ ""
و مشات كاتجري تجاهو ..
قالت هناء "" شفتيها اشنو كادير ؟ ماعطاتناش حتى وقت نهضرو معاها ، تقولي خدامات عند باها ؟""
جراتها ياسمين "" صافي زيدي بحالك ""
اسلام مارد البال لتغريد حتى عنقاتو "" اسلاامو ""
بعدها منو و هي تشوف ملامحو الجامدة ..
و هي تقلب عينيها ..
Shit , here we go again ..
"" فين كنتي ؟ علاش خرجتي بلا ماتفيقيني ؟ اشنو قلت ليك قبل ماننعس ؟ و علاااش حوايجك فازكين ؟ علاش راجعة هكا ؟ ""
"" ممكن تنفس ؟ خرجت هكا فجاة و مابغيتش نفيقك ، مشيت غير نتمشى في البحر صدقت عمت كيف كاتشوف ""
شدات جاكيطها سداتو على نفسها معنقاه و قالت "" اشنو بغيتيه ؟ ""
صاح "" طلقي الزمر ""
قفزت ، شافت في البشر اللي كايشوف فيهم ، و هي تجبدو بلهلا يطريه ليها ..
شدو من عندها و هي تقرب ليه كاتشوف في وجهو .. مركز فيه و ماعرفاتش اشنو كايدير ..
"" اسلام واش نيت تعصبتي حيت خرجت بلا بيك ؟ "" و حتبسة الضحكة من التبزيمة اللي داير ..
خنزر فيها رابط حواجبو و رجع لشغلو ..
و بعد لحظة جبد حتى الهاتف ديالو ، خربق فيه حتى هو و قال "" من اليوم غانولي متبع حسك فين كاتمشي و فين كاتجي ، هاد الرجعة اللي رجعتي هكا ساردة ماغاداش تتعاود ""
خدات التيليفون حالا فمها فيه "" واخا ، واخا ، غير تهدن ، هي دابا صدقتي ال dominant bf type ""
ربع يديه و شاف فيها هاز راسو "" اه ، what u gonna say bout that ""
هزات يديها بزوج قدامو "" واالو ، خود راحتك ""
"" غير بلاتي ، كاع دوك السنين اللي دوزتهم مقموع بسبب الغباء ديالك ، كاع دوك السنين اللي دوزتهم حداك و ماقادرش نوصل ليك ، غانخلفهم في طاسيلتك واحد واحد ، انت ماعرفتيش فين لحتي راسك منين اعتارفتي ليا البارح و عطيتيني داك الوعد .. ""
"" اسلام ، OH MY GOD ، كاتبان بحال شي بسايكو و انا غانهرب جديا من دابا حيت كاتخلعني ""
بدا يضحك و قال "" كانهضر معاك ، انا نبغيك تبقاي ديما تقولي ليا فينك و معامن ، ماشي من باب كانتحكم فيك او تاخدي اذني ، غير من باب انني اذا بغيتك نعرف فين نلقاك و يكون بالي مهني من جيهتك ""
رسمات داك الوجه ديال AWE و بجغات حناكو وسط كفيها بزوج في الوقت اللي هو مبتسم وسط يديها "" مابقيتش نعاودها ا babe ، ur soo cuuute و انت كاتشوش و تخاف عليا ""
غمض عينيه كايتبسم ليها بحال الولد الصغير و ضحكات قائلة بين سنانها " اووه غناكلك ، u look like a teddybear ""
و هو يجمع الضحكة حيد يديها و قال بصوت خشن "" ريحي و شدي يدك حنا في الزنقة ""
اسلام خنزر في اللحظة اللي سمع و شاف هادشي اللي واقع ..
و عاد بان زين كاينكر خارج من السيارة و منين شاف اسلام ، اول حاجة تحلو عينيه بدهشة تم مباشرة قندش ..
"" اشنو كادير انت هنا ؟ "" صاح زين بانزعاج
"" مايسحابليش زنقة ديال باك "" جاوبو اسلام ..
و ديك الساعة ..
تغريد رجعات زوج خطوات للور و هي تعلق ..
قبل ماتفوتهم بزوج خطوات ، طارت عليها الاء ..
و من جديد مع الحيط تبتاتها ..
عينيها كايلمعو باتجاه تغريد بوحدها .. و تغريد ضايعة ما بين تركلها او فقط تستسلم ليها و كولشي بسبب حملها ..
وا الحكرة هادي ..
عقل زين العابدين ماقدرش يستوعب اللي شاف ..
مراتو بدون سبب شانقة على بنت ؟ واش هاد المراة ماكاينش احد لجنونها هاد اليوم ؟
اسلام بدورو تصدم و لكن دغيا حاول يتصرف ..
كانت الاء عاطياهم بالظهر و هي شانقة على تغريد ..
اسلام حاول يجر ذراعها و لكن دفعو زين العابدين مخنزر .. و هو يهزها محاوط ذراعيه حول خصرها و دار يدو على عينيها سدهم ..
جرها اللور و هي توقف تغريد شادة في حلقها و كاتطل بطرف عينيها على الاء ..
اسلام كان ضامها لصدرو و عينيه مخنزين تجاه الكوبل الاخر ..
"" واش مراتك حماقت و لا اشنو ؟ اش هادشي ؟ ""
الاء كانت كاترطى بين يديه ، كان داير جهد كبير باش يتبتها .. و كان متعجب لهادشي ..
مالقى باش يجاوب ، و لكن عارف الاء ماتقدرش تهاجم شي واحد هكا بهاد البساطة اذا ماكانش سبب ..
و تفكر يوم المضاربة ديالهم "" واش دايرة ليها شي حاجة انت ؟ ""
ماشي تغريد اللي حاوبت حيت سبقها اسلام "" لا ، و الله حتى انتوما حماقيتو ، واش كايسحاب ليكم العالم كايضور حولكم ؟ بنادم كلو كايغلط فيكم انتوما ؟ راه مراتك اللي تهجمت على البنت ، ماغاديش تكذب عينيك حتى هما ، راك شفتي كولشي ""
"' كانهضر على من قبل ابنادم ""
"" لا تغريد و لا انا مابقيناش شفنا مراتك من خروجنا من المحل يوم المضاربة ""
ضحك زين ضحكة جانبية ساخرة "" لا اسي ، انت غالط ، هي جات عندنا للدار من بعد المضاربة .. في واحد الليلة ، و كان لينا نقاش طوييل ""
العيون كلها كانت عليها ..
تغريد تلبكت من شوفة اسلام الغير مستمتعة ، و المتهمة ..
"" ياله نمشيو من هنا ، انا ماقادراش نتحمل اكتر "" كانت تالا ..
تغريد تجاهلتها .. و قدرات الاء في هاد اللحظة تتحرر من ذراعين راجلها للحظة تم رجع شدها و سد عينيها بشكل اقوى و لكنها قالت "" خاصها تخرج ، ماخاصهاش تبقى تماا ، وجودها تما غلط ، غلط كبيير ، خاااصها تخرج ""
"" الاء ، سدييي فمك "" كان زوجها المنزعج ..
جر اسلام تغريد "" زيدي قدامي انت ، هذا راه الحماق ، شد مراتك احسن ليك اولا غانقدمو شكاية ضدها ، ماشي معقول فينما تشوفها تتهجم عليها هكااك و بدون سبب ""
و جر تغريد من ذراعها وراه ..
و هي من مكانها وراه بقات كاتشوف فيهم وراها ..
هي اشنو خصها كاع ؟ ماشي شغلها ، علاش مصرة تبقى تتدخل .. خاصها تسول تالا ..
ركب زين العابدين الاء في المقعد الجانبي و جلس وراء المقود في جنبها ..
كانت تغريد قدامو طالعة و كاتدور عينيها كاتطلب الله تقدر تسلت و ينسى كاع اللي وقع و اللي سمع ..
و لكن الحياة ماشي ساهلة ..
"" وقفي تم ""
وقفات نيت معنقة جاكيطها .. دارت عندو بسلو موشن و راسمة ابتسامة غبية على وجهها ..
لقاتو مسند بيد على الحيط و الاخرى على جنبو .. و ملامحو جامدة ..
كايتسنى تفسير ..
Oh boy !!
"" سو ، بغيتي تشرحي ليا هذاك اشنو قصد بكلامو ؟""
عضت تغريد طرف شفتها بتردد و سمعات تالا في وذنيها "" بلا ماتعاودي ليه عليا اتغريد ""
و فكرات تغريد باللي عندها الحق ، كاتخيل ماغاديش يبقى معاها على راحتو ، كما ان الامر جنوني يقدر مايتيقش ، و هي قريب غاتلقى طريقة تتخلص منها .. وجودها مؤقت فقط ..
"" كنت مشيت عندها ، باش .. "" مالقات حتى كذبة ..
و حصارو ماكانش مساعد ، هو ماشي شي شخص اللي ساهل تكذب عليه ، هاد الحرام ذكي
""باش اشنو ؟ دوي .. علاش انا ماعارفش هادشي ؟ ""
"" راه مايمكنش تعرف كولشي ، مالقيت حتى سبب يخليني نقول لك ""
"" اشنو معنى ديك " نقاش طويل" اش هاد الموضوع اللي خلاكم تناقشو نقاش طويل ""
"" اسلام برزطتيني جديا ، حتى ندوش و نهضرو ""
"" شحال غاتحتاجي ديال الوقت باش تكسبي الوقت فين تختارعي شي قصة ؟ ""
جلسات في الدروج بارهاق و استسلام .. و شافت فيه ..
بادلها نفس الشوفة و ربع يديه ..
فهمات باللي ماغايخليش هادشي يدوز بدون ماياخد تفسير عقلاني يتيقو ..
و هي مابغاتش تعاود ليه ، ماحساتش باللي قرار صائب لحد دابا ..
"" هضرت معاها باش تعطيك خلصتك ""
"" خلصتي ؟!!""
"' اه ""
"" و انت مالك و مال خلصتي ؟""
"" هضرت معاها حيت عرفتك منفخ و ماغاديش تمشي تدوي على حقك ""
"" اوى و اشنو قالو لك ؟ ""
تلبكت ، و عرفاتو قشعها ..
"" غادي ... تدوزها لك ""
"" علاش خلصة غاناخدوها من مولات المحل غاتناقشيها مع راجلها ؟""
"" حيت كان في الدار ، و انت عارف الرجال عزيز عليهم يخشيو نيوفهم في كولشي ""
"" لا الرجال ماكايخشيوش نيوفهم في كولشي ، بل العيالات ""
يالله غاتهضر و هي تفكر باللي هي اللي مشات هضرات على خلصة ماشي ديالها .. و هي تسكت ..
"" سيري طلعي ""
اشنو دابا ، واش نيت تيق ؟ غايحبس هنا ؟
وقفات و شافتو دار باتجاه الباب "" فين غادي ؟ ""
"" خارج ""
"" ضفاك ؟! يالله جيت ""
"" و اذا جيتي ؟ النهار كامل و انا في الدار .. كانتسناك ""
كان اسلام مازال قدام الباب كايتمتم مع نفسو "" كذابة ، الخلصة خديتها بيومين قبل المضاربة ... علاش كذبات ؟ اشنو مخبية . زعما اذا خانت وعدها بخصوص عمرها تكذب عليا ، ماغاتخونش وعدها بخصوص عمرها غاتفرق و لا تكون لشي احد غيري ؟ نسيت اهم نقطة ، و هي انني ماكانتيقش فيها ""
و كاينة شي علاقة كاتبنى بدون تقة ؟
و غير سد زين العابدين باب الدار قال "" ليلتك كحلة اليوم امراتي العزيزة ""
لاحت فولارها و جاكيطها و جلسات فوق السداري كيف شي بنت صغيرة ، غالطة و ماراضياش تعتارف ..
هزات عينيها فيه و هي كاتطلق شعرها و لقاتو واقف عليها كيف المردة بيديه على جنابو ..
"" ماعندش بالي مزوج بنيكيتا ، و ليتي تشنقي على عباد الله و تقنتيهم في الزناقي ، تي منين كاتجيبي داك الجهد بغيت غير نفهم ""
عاودت حذرات راسها كاتدور في عينيها ..
"" فين كنتي هاد العشية كاملة مع هداك اللي جا داك ؟ كيفاش حتى جا عرف الدار ؟ و كيف الحمقة مشيتي معاه ماعلمتي احد و دايا الولد معاه ؟ ""
و بزوجهم قفزو عينيهم واسعين "" طه ؟!!""
و تنشرو بزوج في الدار كايقلبو بشكل غريزي بدون تفكير .. و تمات الاء كاتلبس تاني فولارها من بدا و جديد كاتولول و زاين كايجري للباب ..
شدو باه باسو و عنقو "" الله يلعن مك يسحابلي خليتك في الخلا ""
ضربات الاء زين في منتصف الظهر و صاحت "" الله يلعن بوه نيت اللي خلاه ""
"" على اساس امو اش كانت كادير تما ؟ كاتقلب على عائلتها الفضائية ، المسطية ، مجوج بمسطية *دار عند زيد* مانسمحش ليكم على هاد الخطية اللي بليتوني بيها ""
"" اهاااه ، هانتا وصلتي عليهااا ، فاش كنا نقولو ليك انا و زياد فكر مزيان ، السيدة عندنا مخورجة شوية قلتي قاد بيها ، و تكعد على سلامتك دابا "" جاوبو زيد كايضرب على يديه ..
"" عاود اشنو قلتي دابا ؟ كنتو تقولو ليه يفكر مزيان ؟ لا صافي انا متأكدة دابا نيت باللي انا ماشي منكم ، على كاين شي اخ كايطلق اشاعات على اختو و معامن مع الكراش ديالي في داك الوقت .. ""
جاوبها زين العابدين ساخر و معوج فمو "" على اساس تحذيراتهم و اشاعاتهم في داك الوقت قضات شي غرض ؟ لااااااا بالعمى ، مشيت بودنين الحمار تزوجت بوالديك و هانتي لجدي هاز ولدك و لاخر في كرشك .. و قالبة الدنيا فوق قلقولتي بزبايلك من الفوق ""
دارت يديها على جنابها و صاحت "" و مااالك ، كنتي تحلم بشي وحدة بحالي ؟ نهار تلاقيتك كنتي يائس كاتخمم للفلوس منين تجيبهم غير باش تخطب ، جيب ليا وحدة في الدنيا تقبل براجل يالله كايبني حياتو ، انا مشيت مع حسك خطوة بخطوة من ال0 .. دابا تكلضمتي و وليتي تتنكر ليا ، و فين اصلا تلقى اللي تهز ليك دوك نوبات الجنون منين كاتولي كيف التور غير كاتنهج .. ""
"" اهااااه ؟انا غير كاترشق ليا و ننوض نجهل ؟ على شكون لوالديك كايرضني كانهج كيف التور ماشي فعايلك ؟ نفكرك هاد العشية اش درتي ؟ غادية كاتقلبي على عائلتك الفضائية يا روح امك ؟ ""
زيد بيناتهم خدا الولد من يدين باه و رجع سد الباب كايحرك راسو يمين و شمال و مابانش عليهم كاع واش ردو البال لانصرافو هو و ولدهم ..
